Mae’r modiwl yn cyflwyno’r myfyriwr i gysyniadau sylfaenol cyfraith tir trwy ganolbwyntio ar natur ‘eiddo’ ac ar greu, diogelu a gwaredu gwahanol ystadau a buddiannau mewn tir, rôl ffurfioldebau a systemau cofrestru, a’r rhan y mae’r gyfraith yn ei chwarae wrth reoleiddio’r defnydd ar dir.

• Nodi, disgrifio ac esbonio’n gywir y prif egwyddorion, gwerthoedd a rheolau sydd ar waith ym maes cyfraith tir Cymru a Lloegr, gan gyfeirio at gyfraith achosion, deddfwriaeth a pholisi perthnasol
• Dangos y gallu i gymhwyso gwybodaeth er mwyn cynnig casgliadau credadwy mewn ymarferion datrys problemau (gan gynnwys problemau gwirioneddol neu ddamcaniaethol yn ymwneud â chyfraith tir)
• Dangos gwybodaeth a dealltwriaeth fanwl, mewn cyd-destun, trwy esbonio’r berthynas rhwng meysydd sylweddol o gyfraith tir, a rhwng cyfraith tir a materion cymdeithasol a/neu bolisi ehangach
• Dadansoddi agweddau penodol ar gyfraith tir, gan dynnu ar amrywiaeth o ffynonellau gwahanol gan gynnwys cyfraith achosion, deddfwriaeth, trafodaethau ar bolisi ac erthyglau o gyfnodolion academaidd

Cymysgedd o ddarlithoedd a thiwtorialau

Trwy gydol y modiwl, bydd disgwyl i fyfyrwyr ddatblygu ac ymarfer y medrau deallusol, ymarferol a throsglwyddadwy sy’n briodol i ddeilliannau dysgu Lefel 5, fel:

• Adnabod materion o safbwynt eu perthnasedd a’u pwysigrwydd, a gosod y rhain yn nhrefn pwysigrwydd.
• Defnyddio dulliau ac offer ymchwil gyfreithiol priodol yn annibynnol i nodi deunyddiau sylfaenol ac eilaidd sy’n ategu rhestri darllen a deunyddiau sy’n cael eu haddysgu.
• Dwyn ynghyd wybodaeth a deunyddiau o amrywiaeth o ffynonellau gwahanol, a llunio cyfosodiad o faterion athrawiaethol a pholisi perthnasol yn ymwneud â phob pwnc.
• Gwerthuso rhinweddau dadleuon penodol a gwneud dewisiadau rhesymegol rhwng gwahanol ddeilliannau neu atebion amgen i broblemau.
• Cyflwyno gwybodaeth neu ddadl, ar lafar neu yn ysgrifenedig, mewn ffordd sy’n glir, yn wybodus ac sy’n ddealladwy i bobl eraill
• Ar brosesydd geiriau, llunio darn o waith cwrs crynodol ar bwnc y gwnaed ymchwil annibynnol iddo.
• Defnyddio systemau adalw gwybodaeth electronig, fel Westlaw UK, HeinOnline, Hansard ac ati.
• Gwneud cyfraniadau llafar yn fyrfyfyr ac wedi’u paratoi ymlaen llaw at bob tiwtorial.
• Myfyrio ar ei ddysgu ei hun trwy fesur cynnydd yn ôl deilliannau dysgu’r modiwl, a defnyddio adborth i nodi a goresgyn gwendidau mewn perfformiad. 

Arholiad nas gwelir ymlaen llaw 100% 3awr

Yn nodweddiadol, mae’r meysydd astudio yn cynnwys:

• Cysyniadau sylfaenol cyfraith tir.
• Cydberchnogaeth ar dir ac ymddiriedolaethau tir.
• Caffael buddiannau yng nghartref y teulu.
• Cofrestru tir.
• Prydlesi a thrwyddedau.
• Hawddfreintiau.
• Cyfamodau rhydd-ddaliadol.
• Morgeisi.
• Meddiant gwrthgefn.

Bydd manylion y testunau a argymhellir ar gael ar ddechrau’r modiwl. I baratoi ar gyfer pob tiwtorial, yn ychwanegol at ddarlleniadau penodedig o’r testunau a argymhellir, bydd hefyd yn ofynnol i fyfyrwyr ddarllen achosion penodedig, sylwebaethau ac erthyglau academaidd, ac adroddiadau swyddogol (gan gynnwys cynigion gan Gomisiwn y Gyfraith).

Yn ogystal â chwblhau tasgau darllen hanfodol wrth baratoi ar gyfer sesiynau tiwtorial, disgwylir i fyfyrwyr ymgymryd â darllen pellach i hyrwyddo eu dysgu eu hunain. Bydd rhestrau darllen pellach ar gael yn ystod y modiwl.